ఏపీలో కొత్తగా మరో 538 కరోనా కేసులు.. మరో ఇద్దరు మృతి..!

Thursday, December 10th, 2020, 08:00:06 PM IST

ఏపీలో కరోనా కేసుల సంఖ్య క్రమ క్రమంగా తగ్గుతూ వస్తుంది. గతంలో రెండు వేలకు పైగా కొత్త కేసులు నమోదవుతుండగా కొద్ది రోజుల నుంచి ఆ సంఖ్య మరింత తగ్గింది. అయితే తాజాగా గడిచిన 24 గంటలలో 64,354 శాంపిల్స్‌ని పరీక్షించగా కేవలం 538 పాజిటివ్ కేసులు నమోదు కాగా, కరోనా బారిన పడి మరో ఇద్దరు మృత్యువాత పడ్డారు. దీంతో రాష్ట్రంలో మొత్తం పాజిటివ్ కేసుల సంఖ్య 8,73,995 కి చేరింది.

అయితే ఇందులో ప్రస్తుతం 5,237 మంది చికిత్స పొందుతుండగా 8,61,711 మంది డిశ్చార్జ్ అయ్యారు. ఇక నేడు కరోనా నుంచి కోలుకుని 558 మంది డిశ్చార్జ్ అయ్యారు. ఇదిలా ఉంటే రాష్ట్రంలో మొత్తం కరోనా మరణాల సంఖ్య 7,047 కి చేరింది. అయితే ఇప్పటి వరకు రాష్ట్రవ్యాప్తంగా మొత్తం 1,06,35,197 శాంపిల్స్ పరీక్షించారు.