హెల్త్ బులెటిన్: తెలంగాణలో కొత్తగా మరో 1,891 పాజిటివ్ కేసులు..!

Friday, October 9th, 2020, 09:30:02 AM IST

తెలంగాణలో కరోనా కేసుల సంఖ్య కాస్త తగ్గుముఖం పడుతూ వస్తుంది. గత కొద్ది రోజుల నుంచి రెండు వేలలోపే కేసులు నమోదవుతున్నాయి. అయితే గడిచిన 24 గంటలలో కేవలం 1,891 పాజిటివ్ కేసులు మాత్రమే నమోదు అయ్యాయి. అయితే కరోనా కారణంగా నేడు మరో 7 మంది చనిపోయారు. ఇక కరోనా నుంచి కోలుకుని నేడు 1,878 మంది డిశ్చార్జ్ అయ్యారు.

అయితే తాజా కేసులతో కలిపి రాష్ట్రంలో మొత్తం కరోనా కేసుల సంఖ్య 2,08,535 కి చేరింది. ఇదిలా ఉండగా కరోనా నుంచి కోలుకుని ఇప్పటివరకు 1,80,953 మంది డిశ్చార్జ్ కాగా ఇంకా 26,374 యాక్టివ్ కేసులు ఉన్నాయి. అటు రాష్ట్రంలో కరోనా మరణాల సంఖ్య 1,208 కి చేరింది. ఇదిలా ఉంటే గడిచిన 24 గంటల్లో 53,086 మంది శాంపిల్స్‌ను పరీక్షించారు. ఇప్పటి వరకు రాష్ట్రంలో మొత్తం 34,49,925 టెస్ట్‌లు చేశారు. ఇక ప్రస్తుతం రాష్ట్రంలో రికవరీ రేటు 86.77 శాతం ఉండగా, మరణాల రేటు 0.57% ఉన్నట్టు హెల్త్ బులెటిన్ తెలిపింది.