కరోనా అప్డేట్: ఏపీలో కొత్తగా మరో 117 కరోనా కేసులు..!

Thursday, January 28th, 2021, 11:00:51 PM IST

ఏపీలో కరోనా కేసుల సంఖ్య క్రమ క్రమంగా తగ్గుతూ వస్తుంది. గతంలో రోజుకు వెయ్యికి పైగా కొత్త కేసులు నమోదవుతుండగా కొద్ది రోజుల నుంచి ఆ సంఖ్య మరింత తగ్గింది. అయితే తాజాగా గడిచిన 24 గంటలలో 36,189 శాంపిల్స్‌ని పరీక్షించగా కేవలం 117 పాజిటివ్ కేసులు నమోదు అయ్యాయి. కరోనా బారిన నేడు ఒక్కరు కూడా మృతి చెందలేదు. అయితే రాష్ట్రంలో మొత్తం పాజిటివ్ కేసుల సంఖ్య 8,87,466 కి చేరింది.

అయితే ఇందులో ప్రస్తుతం 1,358 మంది చికిత్స పొందుతుండగా 8,78,956 మంది డిశ్చార్జ్ అయ్యారు. ఇక నేడు కరోనా నుంచి కోలుకుని 128 మంది డిశ్చార్జ్ అయ్యారు. ఇదిలా ఉంటే రాష్ట్రంలో మొత్తం కరోనా మరణాల సంఖ్య 7,152 కి చేరింది. అయితే ఇప్పటి వరకు రాష్ట్రవ్యాప్తంగా మొత్తం 1,30,12,150 శాంపిల్స్ పరీక్షించారు.