తెలంగాణలో మరింత విజృంభిస్తున్న కరోనా.. కొత్తగా ఎన్ని కేసులంటే?

Saturday, April 10th, 2021, 09:56:33 AM IST

తెలంగాణలో కరోనా మరింత విజృంభిస్తుంది. ఓ పక్క కరోనా వ్యాక్సిన్ పంపిణీ ప్రక్రియ జరుగుతున్నప్పటికి కేసుల సంఖ్య మాత్రం పెరుగుతూనే ఉంది. అయితే తాజాగా గడిచిన 24 గంటలలో రాష్ట్ర వ్యాప్తంగా 1,11,726 కరోనా పరీక్షలు నిర్వహించగా 2909 పాజిటివ్ కేసులు నమోదు అయ్యాయి. దీంతో రాష్ట్రంలో మొత్తం కరోనా కేసుల సంఖ్య 3,24,091 కి చేరింది.

అయితే కరోనా నుంచి ఇప్పటివరకు 3,04,548 మంది కరోనా నుంచి కోలుకోగా, ఇంకా 17,791 యాక్టివ్ కేసులు ఉన్నాయి. ఇక గడిచిన 24 గంటల్లో 584 మంది కరోనా నుంచి కోలుకోగా మరో ఆరుగురు మృత్యువాత పడ్డారు. దీంతో రాష్ట్రంలో మొత్తం కరోనా మరణాల సంఖ్య 1,752 కి చేరింది. ఇక ఇప్పటి వరకు రాష్ట్రంలో మొత్తం 1,08,73,665 టెస్ట్‌లు చేశారు. ఇక ప్రస్తుతం రాష్ట్రంలో రికవరీ రేటు 93.96 శాతం ఉండగా, మరణాల రేటు 0.54% ఉన్నట్టు హెల్త్ బులెటిన్ తెలిపింది.