“అల వైకుంఠపురములో”తో ఈ ట్రోల్స్ తుడిచేసుకున్న బన్నీ!

Wednesday, January 22nd, 2020, 03:00:01 PM IST

స్టైలిష్ స్టార్ అల్లు అర్జున్ ఇప్పటి వరకు నటించిన అన్ని సినిమాలను మించి ఒక్క తన కెరీర్ లోనే కాకుండా టాలీవుడ్ లోనే ఒక బిగ్గెస్ట్ హిట్ ను ఇచ్చారు.మాటల మాంత్రికుడు త్రివిక్రమ్ మరియు బన్నీల కాంబోలో వచ్చిన ఈ హ్యాట్రిక్ చిత్రం అంచనాలను మించిన విజయాన్ని అందుకున్నారు.ఇప్పటికే వసూళ్ల విషయంలో గట్టి పోటీ ఉన్నా సరే నాన్ బాహుబలి రికార్డులను కొల్లగొడుతూనే ఉంది ఈ చిత్రం.

సంక్రాంతి కానుకగా వచ్చిన ఈ చిత్రం ఇప్పుడు టాలీవుడ్ బాహుబలి 2 తర్వాత ఆ స్థాయిలో వసూళ్ల ప్రభంజనం సృష్టించింది.అయితే ఈ ఒక్క సినిమాతో బన్నీపై ఉన్న అనేక మరకలను వారి అభిమానులు ఎదుర్కొన్న ట్రోల్స్ ను ఈ ఒక్క చిత్రంతో తుడిపేసి బన్నీ ఫ్యాన్స్ ను కాలర్ ఎగరేసేలా చేసారు.ఇంతకు మునుపు వరకు డే 1 రికార్డ్ లేదు ఒక ఇండస్ట్రీ హిట్ లేదు అని అన్న వాళ్లకి డే 1 రికార్డు విషయంలో ఏమో కానీ ఇండస్ట్రీ హిట్ విషయంలో మాత్రం అందరి నోర్లు మూయించేశారని చెప్పాలి.ఇన్నాళ్లుగా ఎదుర్కొంటు వస్తున్న ట్రోల్స్ అన్నిటిని ఒక్క దెబ్బతో కొడితే ఎలా ఉంటుందో బన్నీ “అల వైకుంఠపురములో” చిత్రంతో చూపించారు.